貓草到底會令主子吐毛定High?🤔🤔🤔

呢排多左一啲新手貓奴上黎想搵貓草，通常我地都會問清楚你係想要吐毛定係High嘅草—因為實在有太太太多貓奴混淆了兩種完全不同的植物😅😅
會令主子High嘅其實叫貓薄荷，英文係Catnip，根據研究，大約有50%以上嘅成貓係對Catnip有反應，包括好high咁捽黎捽去、典來典去、部份仲會流口水添！ 貓草對主子身心健康都有幫助，適量給予可以令呢班天生的緊張大師放鬆心情架！香港買到的Catnip一般都係曬乾左嘅碎或粉，亦有用乾Catnip製成的玩具。如果貓貓會舔食Catnip，記得買嘅時候要小心留意產地及無農藥先好買呀！（據說花墟也有新鮮Catnip及種子賣）不同品種及製乾嘅方法亦會影響Catnip嘅味道(嗯，貓大麻無誤)，貓奴可以試多幾個唔同牌子🤗🤗🤗
(日本比較流行木天蓼，同Catnip功效一樣)
留意Catnip 並沒有排毛作用，排毛的係小麥草 Ｗheat grass (也有燕麥草、黑麥草，都係大同小異啦) 食用小麥草可以防止毛球在體內形成，同埋令主子更易痾出吞左落肚嘅毛髮💩💩，小麥草本身係唔會令貓貓嘔吐的，除非消化不良！小麥草可買現成種好的，也可以買一打開加水就種到的方便包，園藝高手可自行買小麥草種子和泥土種植！小麥草係唔需要曬大太陽架，放通爽有少少光的地方就可以了❤️