貓奴小知識：貓貓用傢俬磨爪 = 貓貓曳嗎？


絕對不是！磨爪，係貓與生俱來的👉天性👈！同食飯、飲水、搲痕一樣！咁，點解貓貓需要磨爪呢？
1. 磨利爪🍴🐭 – 貓本來需要在野外捕捉獵物，入左屋仍保留此天性，所以要磨利啲爪才可以捕殺獵物 (例如早幾日大老闆玩死左嘅四腳蛇😥😥)
2. 伸展背部肌肉 😼💪– 貓貓會伸長個身黎磨爪，因為呢個動作可以幫助貓貓伸展背部肌肉
3. 劃地盤 – 非常重要！貓貓是地域性極強的動物，特別係貓仔！磨爪留下的痕跡，其實係貓貓的自製警報器，以爪痕同肉球的氣味話俾另一隻貓知：「喂，呢度我地盤呀！咪入黎呀你👿💀 」
4. 釋放情緒 – 呢點人類比較難理解 😓😵 當貓貓情緒高漲時 (無論係開心、緊張定係驚)佢地都會透過磨爪黎抒發！如果貓奴次次返到屋企見到貓貓即刻走去磨爪，恭喜你！貓貓好大可能係因為見到你太興奮所以要去抒發一下！😂😂😂　
今日講住咁多先，下次會同大家講講，點樣揀貓抓柱，同埋貓抓柱應該放邊度先啱～
全線磨爪用品: https://www.3littlemeow.com/categories/cat-scratcher