貓奴必讀！一文看清貓草用途！
貓薄荷 vs 小麥草到底有咩唔同
 
會令主子High嘅叫貓薄荷，英文係Catnip，根據研究，大約有60-70%嘅貓對Catnip有反應，包括好high咁捽黎捽去、典來典去、又或者較為含蓄地舔食及流口水 貓草對主子身心健康都有幫助，適量給予可以令呢班天生的緊張大師放鬆心情架！野外貓貓玩Catnip仲有助驅蟲添
 
香港買到的Catnip一般都係曬乾左嘅碎或粉，亦有用乾Catnip製成的玩具,如果貓貓會舔食Catnip，記得買嘅時候要小心留意產地及無農藥先好買呀！唔同品種及製乾嘅方法亦會影響Catnip嘅味道(嗯，貓大麻無誤)，貓奴可以試多幾個唔同牌子睇下主子對邊隻有反應，但留意Catnip 並沒有排毛作用
 
至於用作排毛的係小麥草 wheat grass (也有燕麥草、黑麥草，都係大同小異)。 食用小麥草可以防止毛球在體內形成，同埋令主子更易痾出肚內嘅毛髮，小麥草本身係唔會令貓貓嘔吐的，不過食用過量纖維可能會令貓貓腸胃不適而嘔吐架！小麥草可買現成種好的，也可以買一打開加水就種到的方便包，園藝高手可自行買小麥草種子和泥土種植
 
大家記住去買貓草嘅時候，記得要講清楚係要小麥草定貓薄荷呀