貓奴小TIPS: 飲水篇!

隨著貓貓成為人類既主人, 入屋後已經唔再狩獵, 改為以食乾糧為主(餅餅), 因為對貓奴黎講既方便又平! 而食餅餅當然冇辦法好似食生肉咁吸收到大量水份! 長期缺水唔會立即死亡, 但會加重貓貓腎臟既負擔! 好容易造成慢性腎衰竭、尿路結石等疾病!!

要預防慢性腎衰竭的方法有三個: 第一，飲水，第二第三，都係飲水！！！以下將介紹八個令貓貓多飲水既方法:

1. 用流動既水, 例如飲水器:基於野生動物係飲河流動既水，所以好多貓都喜歡喝乾淨而流動的水。可以考慮買部寵物飲水機俾主子用, 但記得要1-2個月換濾芯一次~

2. 經常換水:貓貓鐘意飲乾淨水, 而且對異味好敏感, 貓奴要勤換水 並將水容器洗乾淨, 千祈唔好俾水喉水貓貓飲, 一定要煲過! 因為可以減少水既細菌同去除味道, 其二係水管好污糟, 好易惹到令人聞風喪膽既梨形虫! (下次再講我家二老闆對抗梨形虫的故事)

3. 用貓貓鐘意既容器:有 D 貓鐘意陶瓷, 有D鐘意膠。總之投其所好, 可以增加飲水次數。PS 我家大老闆鐘意直接去水喉直接飲-_-!!

4.係貓貓經常路過既地方放水千祈唔好只係一處放水俾貓貓飲, 貓貓天生性格太有型, 唔會為左飲水而去到老遠飲! 建議係食物兜或休息地方附近都放水俾佢地飲!

5. 俾貓貓飲適當溫度既水呢招對我家三位老闆好有用, 特別係冬天時, 俾少少暖水佢地飲, 佢地會飲得特別多! 記得係暖水好啦, 夏天時可以俾稍為凍少少既水佢地, 但唔好太冰~

6. 罐罐加水:嘿嘿, 不作多說,但不要加太多以免主子絕食抗議。

7. 俾貓貓食含水量高的食物:可以自己蒸蝦, 雞柳俾貓貓食, yummy~

8. 灌水:最後一步先好用呢招~ 曾經大老闆病左時又唔肯飲水, 我地唯有冒住俾佢嬲的風險用針筒(當然是無針頭) 灌佢飲水