聖誕除了大減價,可以做點更具意義的事嗎?
有的!但需要一點勇氣
Three Little Meow 一向不擅於做什麼大平賣或者太複雜嘅著數計劃寧可將時間精力用於尋找好產品,堅持無論如何都以貓出發去做銷售,而其實每次大時大節都令我地好頭痛,全世界都在做各種優惠、福袋呀,甚至有客人真係會因為我地冇做折扣而兜口兜面話「你地都唔識做生意」咁我地要唔要做些優惠去留住客人呢?
今年聖誕,我地決定要豁出去,試試一個新的方法我地正式宣佈一毫子都唔會減 點解咁大膽?因為我地決定,將做減價嘅budget,拎黎做一件更有意義嘅事!
由即日起至12月22日 (總共六天),所有於Three Little Meow 嘅消費,我地都會撥出部分金額捐贈予 香港拯救貓狗協會 HK Saving Cat And Dog Association ,以支持佢地嘅拯救工作,令聖誕節除左消費以外,為動物及一班默默付出的義工,帶來一點溫暖,令節日更具意義。
香拯嘅前身係Linda Cat & Dog House,正係三老闆、社長同夫人嘅娘家。Linda 姨姨同一班義工,已經為流浪動物默默付出了十多年,除左改變了毛孩嘅生活,其實,仲將我地呢班領養人嘅生命變得更豐富、更有愛。
希望呢個活動可以得到大家嘅支持,唔使俾人兜口兜面話我地唔識做生意要等執笠啦~

註:是次活動網上及門市消費都計算在內,以付款日期為準;捐款將於2018年12月31前過數予受惠機構及於專頁公佈。