相信好多貓奴都知道貓咪飲唔夠水好易會有尿道疾病甚至腎病!
所以好多貓奴為左令主子飲多D水都會各出奇謀，例如用流動飲水機、食罐罐、係食物加水，係屋企放N個水兜，務求令主子飲得咁多得咁多～
但近日冬天，怕凍既主子除左成日訓唔多郁外，仲飲少左水添!!!
貓奴自然係擔心到不得了，有試過加暖水落水機同水兜，但咁凍既天氣一陣就凍晒啦！
幸好貓奴年輕時養過魚，於是諗起可以整個恆溫流動飲水機俾主子享用！
材料好簡單亦好易買齊，可以去一般水族館買齊以下配件，一般三百蚊有找!!
暖管 (一定要買可以調較溫度，同埋盡量細既，因為要放得落小魚缸)
小型魚缸 (要玻璃造既，同埋一定要放得落之前買既暖管)
濾水器 (要買懸掛式既，因為會有瀑布式既水流吸引主子飲多D)

安裝方面最緊要留意暖管既最低水位線，水唔可以低於呢最低水位線，如果唔係會有機會燒管～溫度一般28-30度就可以啦！
裝完後放係主子常出沒嘅地方，然後就可以守機待喵了～

完成後短片簡介及社長試用: