除咗 “貓奴覺得你熱”，轉季當然唔少得 “貓奴覺得你凍” 🙊

究竟貓貓冬天需唔需要著衫？貓毛嘅作用大家仲記唔記得先👩‍🏫

 

健康的貓毛係可以有效保暖！

貓貓到冬季會生長更濃密嘅毛，以應付轉凍嘅天氣❄️

凍嘅時候亦會將毛緊貼皮膚，減少同冷空氣嘅接觸！相反鬆開啲毛毛就可以散熱～

所以有件衫貼住佢地嘅身體，會影響佢地自己調節體溫 🌡️

仲阻礙貓貓感受四周環境，妨礙貓貓活動；

有啲貓著咗衫好似唔識行咁😥會增加壓力喔！

但如果主子係幼貓(毛都未出齊😂)、年老體弱、長期病患、毛髮生長有問題，都可以係唔抗拒嘅情況下幫佢地著件背心仔🦺

 

點知道主子凍？

🔅活動力下降、不愛動

貓貓凍嘅時候會減少跑動，即係留返啖氣暖肚嘅概念

🔅 蜷縮身體、發抖

頭同肚肚係主子最怕凍嘅部位，當佢地蜷縮身體就可以保住毛髮比較稀疏嘅肚肚

如果主子縮埋一嚿仲不停震，咁真係凍到震喇

🔅耳朵、腳掌、尾巴冰涼

留意主子耳朵、腳掌和尾巴等部位；正常摸落應該係溫暖的，如果凍冰冰就要注意了

 

其實香港冬天嘅溫度對一般貓貓真係小意思

做好家居保暖已經十分足夠😻

 

😽除咗開暖氣令成間屋都暖笠笠，無人係屋企都可以用毛巾包住個暖水袋，比貓貓自行選擇靠近

 

😽温暖小窩＋被仔

係主子喜愛休息嘅位置放張被仔，可以幫助保暖

 

😽曬太陽

可以將主子嘅床仔放係太陽曬到嘅位置

 

😽抱抱主子（留意返～唔係叫你追住隻貓抱😢）

天氣轉涼，有啲主子會多咗痴住鏟屎官取暖，可以趁貓貓主動親近時，增進下感情🥰

 

貓奴們日常都要多留意主子嘅身體語言，先知道你家主子嘅需要🤍